الحراقة للشاعر الشعبي العيد دبوسي

حــــــراڤة
-------------
ردعــلـيـــــــَّا - يـَا بحـرْ - كـيـفـاه أنـديـر
مـن الحـراڤـة راه ڤلـبي يــتقسـَّـــــــمْ

لالـي حيلة كـان صبتْ أجناحْ أنطيـر
بـاه أنـرجع ناس وطنـي للـمرســــم

راه أمـشلوش خاطري مانيش بخـيـر
حـال النـبف وهكـذا حـال المرحـــــم

حايـر نسـأل ويـينهم ناس الـتدبيـــر
ننصـحْ هـاذا النـاس لعـلَّ تحـشـــمْ

يامڤـوانـي خـاوتي عنـهم وأنـحييـرْ*
غاظـوني وعـدادهم ، غـي تتـراكــم

(غاشـــي )طـاير كى سـرابْ العصافـير
مـن شتَّـى لعمـارْ أمـة تــتزاحـــمْ

لـعبت بيـهم ناس معـدومتْ ضميـــر
شراو المـوت وعـربـنوها بعمُرهـُــمْ

اتغـرُّو ا،ظـنوُّ الحرڤـة فـيها خـير
الجـنة فـي بـالهـم مـوجـودة ثـَـــمْ

واحـدْ قـال أنْروحْ والِّلي صار يصيـرْ
نحـلف بـاليـَمين مـاعـدتش نعــــزم

وواحدْ منْــلي راحْ مجهـول المصيـر
اتحـول كـابـوس حلـمـو وتحـطَّـــمْ

لاخـر جـثـَّه هامـدة فـي شط تسير
تتغـاذف لمـواج بـيـها تـتـلاطـم

لاحتـها ويـن الرمـل لاح اقـناطيـــر
تحـت الرمـلة تصـيب هيكل بونـادم

وغـاشـي يــاسر مـالقـينا لـو تـــاثيـر
بيـن أنـياب الحـوت لحمـو يتڤـاسم

لغـز يحيـر مـالقـينالـو تـفسيـر
خلّـصْْ بـاه يمـوت مسكـين أدراهـم

تاهت ْخـلق الله فيـك يابـحر كثـير
واتعـجب فـيـنا الكـافـر والـمسلـم

يامُحـيْر ( كـوستو ) مـاليْك أنـظـير
بسبـابـك اهـْـداه ربـي وأسـتسلـم

خليـني نـبكي على خـويـــَا وانحـير
نحـزن طـول الـدهـر عنـو . نتـألـــم ْ

هـوًن عمـرو غـاب عقـلو والتدبيــر
واركـب فـي- ظهـر الفـلوكة - وأستسلم

مـاشــاور مـاقـَــال تبـقاو علـى خيـر
سافـر خـفـيــهْ - دون ْ ناسـو مـاتعـلم

تتـعجب وتـحيــر تعـجز ع َالتفكـير
المـوت يـنـادي .. وخـوي امـتـقـدم

مثـل الأعـمى حاكم الظلمة ويسيرْ
تايـه بـين أمـواج وعـواصف تهـدم

يامـطول مـوج البحر للعين أتحـير
وماتـدريها واش مـن سـاعـة تهـجم

ياخـويا مـازالك فلعـمر أصغـيـــــــرْ
كـنت مهـنِّي بـين أهـلك تتـنعـم

واش لاحـك ياوعيـل بين الأعاصير
وواش جـابك يـافـار للـيث تـقـاوم

رانـي خفـت عليـك تتصبح أسيـر
بـين الغـربة وبيـن كفـرة لاتـرحـم

حبـل الحـرڤة يابـني ڤاسي وقصير
خيطـو راشـي مـايطـولش ويهـشم

على التهلوكـة نهـاك مولاك الـقدير
تتحـاسب عـن قـتل نـفسك يـاواهم

انـت والي هـربك ذاك الشـريـر
ذيـابـة تـنهش فـي عـظام بني أدم

عييـت أنقـب مـالقيتلك خويا تبرير
فـي كـل الحـالات سـميتـك ظـالم

مڤـواهم حـراسنا فـي بحـر كبـير
تحـية لـرجـال سهـرانـة تـخـدم

نـقذو أمـة هـابطة في قـاع الـبير
فـيئة محـكومـة وفـيئـة تـتحاكـم

نتـعاون ونـدير حمـلة للتـطهيـر
ننـقذ هـاذ النـاس مـن أمـحـتهـم

ويـن العلمـاء ويـن أهـل التـعبــــــير
كـل واحـد كيـفاه وانـديـر الـلازم

مـانسكت مـايروح هاذا الجيل يطيـــــر
تبقـى فيـها غـى خـديجة والعــــــارم

أنـفظل عـيش لـوطن ولـو فقـير ****
خيـر مـانسـاق كيـما لبــهايـم

وكـر أجـدادي مـانبدل بـيه الغـيــــــْر
حـبو يـجري في عروقي مجرى الـدم

زوالـي وفـحل وطـني خيـرو خَيـــر
وغيـر على كـرامتـي مـانـتسـاوم

ارض المعـجزات فـيها خـير كثـــــير
أرض جـدادي معـيرة قـاع العــالـم

لارومـا لاسبانـيا مـزغنـة خـير
والله يـالوكـان نـطلب وأنــلايــم

نزرع ڤمحي على الثرى ونزيد شعير
أرضى خصبة صحيح للغرس أتـوالــم

لـو تنطـق تقـول اينا عيب كبـير
خايتـونـي بور مڤـوانـي نحــطـم

بنـت بـلادى غـالية وعليك نغي
ومـن غيـرك ياحبيـبتي نـبقى صـايـم

نبنيلك لـوكان قـربي بـالقصديـر
مهرك حبـي ومـن الـوفا هـاكي خـاتم

بنت الكفـرة مـايجيني منـها خير
بنت العــم اللى معـاها نتـفاهــم

غـير فراق خديجتي موحـال يصير
والله مـاتبـكي عيـونك يـاعــارم

عيـيت أنخاطب في بحر ماباش يثير
خلانـي مـن غـيـر وحـدي نتـكـلم

قلت نصبرومن غيرصبري واش أندير
هكذا ربـي قـدر علــيا وأحـكم

بعـد العسـر يجـيب سـاعـات الـتيسير
مغـيـر لحــوال سـبحان الــدايـم

ويفـرج عـنا السمـيع الـبصيـر
تتـسـڤـم لـيـام لــينا تـتبســم

الـدزاير أمي مـانبدل بـيك الغـير
وغيـر علـى كـرامـتي مـانـتسـاوم

وبـالصلاة علـى نبي طـه البـشير
محمـد شفـيعـنا قــولـي نــختـم

شكرا اختاه على هذه القاصيدة
لقد تدمع العين عن هؤلاء
الذي خولت لهم انفسهم عن عمل و سلك هذا الطريق الذي ليس له نهاية الا الموت
الله يهديهم و يصلح بالهم
مرة ثانية شكرا لك
Cool

صدق يحيى حوا اذ قال

فوا اسفا على القلب لان الزيف قد غشاه